SELMANI: SPITALI I TETOVËS SHNDËRROHET NË QENDËR KLINIKE

[img][/img]
Retorika antishqiptare e LSDM-së, nuk mundet ta ndalë klinikën

Tetovë, 18 prill - “Qeveria e Republikës së Maqedonisë ka të drejtë legjitime dhe ligjore të sjellë vendime të këtilla, domethënë të themelojë institucione të reja shtetërore. Kjo nuk është e ndaluar me asnjë ligj të Kushtetutës, deklaroi ministri i Shëndetësisë, Imer Selmani.
Sipas Selmanit, një gjë e tillë është e lejuar me ligjin për mbrojte shëndetësore, është proces për avancimin dhe ngritjen e Spitalit të Përgjithshëm të Tetovës në klinikë, ka filluar që në muajin nëntor të vitit të kaluar, ku të gjitha procedurat ligjore, komisionet përkatëse të Ministrisë së Shëndetësisë janë të aprovuara dhe me këtë gjithë kushtet e spitalit të Tetovës u plotësuan. Pas kësaj, qeveria mori vendim që u nënshkrua nga unë si ministër dhe i njëjti sërish u aprovua nga qeveria.
“Kjo nuk është në kontekst të zgjedhjeve të parakohshme, sepse e njëjta nuk u iniciua në kohën e zgjedhjeve. Ne nuk e dinim që në këtë kohë do të ketë zgjedhje, prandaj kjo është pjesë e aktiviteteve të qeverisë që në kontinuitet i aprovon Partia Demokratike Shqiptare, apo pjesëmarrësit e saj në qeveri. Ky është një proces normal nga Ministria e Shëndetësisë dhe Ministria e Arsimit. Tetova një gjë të këtillë e ka merituar shumë më herët”, tha ministri Slemani.
Ky është një proces paralel mes dy ministrive, i cili vazhdon të aprovohet si dhe investime të tjera, të cilat përmirësojnë infrastrukturën mjekësore.
“Unë nuk dua të merrem aspak me LSDM dhe nuk dua ta komentoj një reagim të tillë, sepse ky është një reagim që prek në baza etnike. Kjo është shumë e dëmshme dhe negative, sepse LSDM ka një qëllim, reagimin vetëm në bazë etnike dhe kjo është një qasje negative, sepse LSDM-ja këtë negativitet e shfaq vetëm kur bëhet fjalë për përmirësimin e shëndetësisë në regjionet shqiptare. Shqiptarët e kanë të drejtën të mjekohen në institucione të zhvilluara dhe të pajisura si duhet, deklaroi Selmani.
Pra konteksti i reagimit të tyre nuk është asgjë më shumë se propagandë politike, por e dëmshme për politikën e tyre.
Ne do të vazhdojmë proceset para, pas dhe gjatë zgjedhjeve dhe këto projekte të filluara do të realizohen, deklaroi për gazetën Shqip ministri i Shëndetësisë, Imer Slemnai.
Spitali i Tetovës do vazhdojë të pajiset me mjetet e nevojshme dhe kjo do të ndodhë brenda katër muajve. Pajisjet janë nga më të sofistikuarat dhe kapin vlerën e 4 milionë eurove.
Ndërsa pas 7 muajve do të fillojë ndërtimi edhe i një objekti në oborrin e spitalit të Tetovës, i cili do jetë një bazë shëndetësore dhe edukativo-arsimore për studentët e ardhshëm.