Sarkozy: Kam bërë gabime

25.04.2008
Presidenti francez, Nicolas Sarkozy e ka pranuar se ndoshta mund të kishte bërë gabime gjatë dymbëdhjetë muajve të parë në pushtet. Ai tha se ndoshta ai duhet t'ia kishte shpjeguar sa duhet publikut politikat e tij.

"Padyshim që ne nuk shpjeguam sa duhet. Padyshim, unë vetë bëra disa gabime,"

Sarkozy e bëri këtë deklaratë në një intervistë të rëndësishme televizive.

Ai shpreson se intervista që zgjati dhjetë minuta, do ta ndihmojë që të rifitojë popullaritetin në mesin e francezëve.Ai ka rënë ndjeshëm gjatë muajve të fundit.

Korrespondentët thonë se arsye për këtë janë publiciteti rreth jetës së tij private dhe pasojat e kufizuara të reformave të tij në ekonominë franceze që po kalon vështirësi.

Reforma

Por në intervistën që u transmetua drejtpërsëdrejti në dy kanalet kryesore televizive të vendit, Z. Sarkozy shprehu vendosmëri për t'i vazhduar reformat e premtuara.

Ai shtoi se edhe pse duhet ta kishte parasysh opinionin e publikut, paralelisht me këtë, ai ishte zgjedhur që të bënte ndryshime.

"Bota është në lëvizje, dhe Franca, për 25 a 30 vjet, për arsye të ndryshme...nuk është zhvilluar me të njëjtat ritme me të," tha presidenti francez dhe shtoi:

"Unë u zgjodha që t'i rikthej vlerën punës, tu jap bashkatdhetarëve tanë, sidomos më të ekspozuarve, ndjesinë se janë të mbrojtur dhe të rikthejë krenarinë e të qënit francez.

Për ta bërë këtë, ka vetëm një strategji të mundshme: Të bëjmë ndryshimet që nuk i bëmë atëherë kur i bënë të tjerët. "