"PROSTUTICIONI USHTROHET EDHE NË SHKOLLAT E MESME TË SHKUPIT

Në një anketë të realizuar nga organizata HOPS thuhet se 11 përqind e femrave nën moshën 18 vjet, për çdo ditë provohen me partnerë të rinjë, kurse 63 përqind kanë vetëm nga një parnerë stabil edhe përkundër asaj se mardhëniet e tyre seksuale janë të përditshme. Ndërsa, mbi 18 përqind e femrave, trupin e tyre e japin vetëm për një parfum, 10 përqind për të holla, kurse 12 përqind për garderobë

Vedat Memedaliu

Shkup, 2 janar


Rezultate nga hulumtimi “Udhërrëfimi dhe preventiva e prostitucionit të fshehur dhe tregtisë me njerëz, në mesin e të rinjve prej 14 deri në 18 vjet”, të bëra nga organizata “HOPS”, Opcione për jetë të shëndetshme, tregojnë se mbi 33 përqind e të rinjëve kanë përjetuar mardhëniet seksuale rrugore apo prostuticionin komercial. Në këtë anketë janë të përfshirë 1045 nxënës të shkollave të mesme të moshës 14 deri në 20 vjet. “Tronditëse është fakti se 52 përqind të të rinjëve nuk kanë njohuri në lidhje me sëmundjet të cilët mund të fitohen gjatë mardhënieve seksuale. Kjo ndoshta ka ardhur si pasojë e asaj që femrat e moshës rinore për çdo ditë të ndërrojnë partnerët e tyre seksual”, deklaroi Marija Tosheva, koordinatore e organizatës H0PS.
Në këtë anketë thuhet se 11 përqind e femrave nën moshën 18 vjet, për çdo ditë provohen me partnerë të rinjë, kurse 63 përqind kanë vetëm nga një parnerë stabil edhe përkundër asaj se mardhëniet e tyre janë të përditshme.
Gjatë realizimit të kësaj ankete, 26.12 përqind e nxënësve kanë deklaruar se nuk e kuptojnë fjalën kontracepcion dhe se për ata është marrëzi të përdoren mbrojtje kontraceptive siç janë perzervativët.
Informacione rreth femrave respektivisht nxënësve që ushtrojnë profesionin komercial apo të fshehur më së shumti kanë taksistët të cilët punonjnë në relacione të ndryshme.



Kur trupi shitet për një parfum



Sipas tyre, shumë femra të reja nën moshën 18 vjeçare për konpenzimin e parave që kanë udhëtuar ofrojnë trupin e tyre.
Këtë e kanë konfirmuar 5.8 përqind e taksistëve të cilët më së shumti punojnë në orarin e natës.
“Këtu nuk përjashtohet mundësia që edhe profesorët t’i keqpërdorin nxënëset, edhe pse nuk kemi pasur përgjigje të tilla nga ata, mirëpo vet heshtja e tyre në këto pyetje na bën të dyshojmë edhe tek stafi punues i shkollave”, theksoi Tosheva.
Sipas anketës së sipërpërmendur, femrat janë më të lira që të kërkojnë shërbime nga partnerët e tyre se sa nga prindërit.
Anketa ka treguar se mbi 18 përqind e femrave, trupin e tyre e japin vetëm për një parfum, 10 përqind për të holla, kurse 12 përqind për garderobë.
HOPS ka përfunduar se tek shkollat e mesme dhe në përgjithsi tek të rinjtë nën moshën 18 vjeçare ushtrohet prostuticioni i fshehur me të cilën opinioni është shumë pak i njoftuar.
Nga gjithsejt sa janë të anketuar vetëm 35 përqind e tyre janë shqiptarë.
HOPS, gjithashtu përmban njohuri lidhur me atë se si të rinjtë janë të njoftuar me rreziqet që i rrethojnë për të qenë të përfshirë në tregtinë me njerëz, si dhe njohjen e tyre me infektimet bartëse seksuale dhe për ekzistimin e formave të seksit komercial mes të rinjve