PPD dhe AAK thellojnë bashkëpunimin

[img][/img]Delegacion i Partisë për Prosperitet Demokratik i kryesuar nga lideri Abdyladi Vejseli sot u prit nga ish kryeministri i Kosovës dhe kryetari i AAK-së Ramush Haradinaj. Në këtë takim kreu i PPD-së Vejseli i uroj mirseardhje në vendlindje Haradinajt si dhe e uroj për lirimin e tij duke shprehur se pafajsia e tij është fitorja e Kosovës dhe të gjithë shqiptarëve.
Kryetarët e të dy partive shprehën qëndrimin e tyre për thellimin e bashkëpunimit të të dyja partive politike të PPD-së dhe AAK-së pasi që interesat e faktorit politik shqiptar janë të përbashkëta ashtu si tha edhe lideri Vejseli se “qoftë partitë politike shqiptare në Maqedoni që kanë sytë nga Kosova ashtu edhe partitë politike nga Kosova janë më se të interesuara për situatën politike në Maqedoni”.

Gjatë fjalimit të tij për mediumet kreu i AAK-së Ramush Haradinaj tha “ sot me kënaqsi të veçantë prita kryetarin e Partisë për Prosperitet Demokratik nga Maqedonia z. Abdyladi Vejseli të cilin i falenderoj për vizitën që bëri dhe urimet që shprehu si për pavarsinë e Kosovës edhe për lirimin tim si i pafajshëm”.
Ndërkaq, kreu i PPD-së Abdyladi Vejseli në paraqitjen e tij për mediat tha se “në emër tim personal dhe në emër të gjithë antarsisë të Partisë për Prosperitet Demokratik i shpreha urimet më të thella z. Haradinaj për lirimin e tij si i pafajshëm nga gjykata e Hagës”.

Në delegacionin e PPD-së ishin edhe nënkryetari Ismet Ramadani si dhe anëtari i Kryesisë Qëndrore Ibish Kadriu.