Zgjedhjet e parakohshme në aspekt kombëtar

Lideri i PPD-së Abdyladi Vejseli gjatë takimit me kreun e AAK-se Ramush Haradinaj u përgjigj edhe pyetjeve të gazetarve. Në pyetjen se si e vlerson PPD-ja idenë për zgjedhje të parakohshme lideri i PPD-së Vejseli u shpreh "nëse e marrim në aspektin partiak këto zgjedhje për PPD-në janë të pranushme por nëse marrim në aspektin kombëtar këto zgjedhje janë të dëmshme". Duke argumentuar qëndrimin e PPD-së Vejseli u shpreh se momenti kur propozohen zgjedhjet nuk është aspak i përshtatshëm pasi që para do kohë partitë politike PPD dhe PDSH i parashtruan kryeministrit Gruevski gjashtë kërkesa reale dhe thelbësore që janë me rëndësi për shqiptarët tëq cilat është dashur të realizohen per 60 deri 90 ditë. "Dhe tani nëse mbahen zgjedhje të parakohshme këto këresa do prolongohen deri në formimin e shumicës tjetër parlamentare pas zgjedhjeve" tha Vejseli. Poashtu Vejseli vuri në dukje se pala maqedone çdoherë do pengojë apo prolongojë realiziminn e kërkesave të shqiptarëve në Maqedoni, mes tjerash Vejseli tha "Ta dini dhe të jemi të kujdesshëm se maqedonasit në Republikën e Maqedonisë do të tentojnë çdoherë ta prolongojnë dinamikën e realizimit të interesave të shqiptarëve të Maqedonisë që janë gjithmonë bazë të Marrëveshjes së Ohrit dhe Kushtetutës së Republikës së Maqedonisë".

Sonte pritet që lideri i PPD-së para parlamentit të Maqedonisë të elaborojë qëndrimin e partisë rreth idesë për zgjedhje të parakohshme.